سياسة الخصوصية
آخر تحديث: نوفمبر ٢٠٢٦
البيانات اللي بنجمعها
- بيانات الحساب: الاسم، الإيميل، ورقم الموبايل.
- بيانات الاستبيان والمتابعة: السن، الطول، الوزن، المقاسات، الإصابات، تفضيلات الأكل، وتقييمات النوم والطاقة.
- صور التقدم وصور إيصالات الدفع اللي بترفعها بنفسك.
- سجل التمارين (الأوزان والعدات).
- رمز الإشعارات (push token) عشان نبعتلك تنبيهات.
- لما تسيب بياناتك في الحاسبة بنسجل نسخة مشفرة من عنوان الإنترنت (IP) بتاعك عشان نمنع الرسايل المزعجة، وبنمسحها خلال يوم.
بنستخدمها في إيه
- عشان الكوتش يعملك برنامج تمرين وخطة أكل مناسبين ليك ويتابع تقدمك.
- عشان نأكد الدفع ونفعّل اشتراكك.
- عشان نبعتلك إشعارات بخصوص اشتراكك ومتابعتك.
- مش بنبيع بياناتك ومش بنستخدمها في إعلانات.
مين يقدر يشوف بياناتك
- انت والكوتش بس. الصور محفوظة في مساحة خاصة ومش متاحة للعامة.
- بنستخدم Supabase لتخزين البيانات، وExpo لإرسال الإشعارات، وVercel لتشغيل الموقع، وTelegram لتنبيه الكوتش بالمدفوعات والمتابعات الجديدة، وشركة بريد إلكتروني لإرسال رسايل تأكيد الحساب وتغيير الباسورد.
حقوقك
- تقدر تمسح حسابك وبياناتك وصورك نهائيًا من داخل التطبيق: حسابي ← حذف الحساب.
- بعد الحذف بنحتفظ لأغراض المحاسبة بسجل للمدفوعات المؤكدة بس: المبلغ والباقة وطريقة الدفع والتاريخ، من غير اسمك أو رقمك أو صورة الإيصال ومن غير أي حاجة تربط السجل بيك.
- تنبيهات الكوتش الداخلية ممكن يكون فيها اسمك، وبتتمسح من السيستم بعد ٣٠ يوم، بس ممكن تفضل نسخ منها في محادثات تيليجرام بتاعة الكوتش.
- ولو محتاج نسخة من بياناتك أو عندك أي سؤال، كلمنا على واتساب +201061118055.
تنبيه صحي
- المحتوى في تطبيق كابتن نصر مش بديل عن استشارة دكتور. لو عندك أي حالة صحية، استشير دكتور قبل ما تبدأ أي نظام تمرين أو أكل.